Pulpo Eskubaloiak, Euskadiko Eskubaloi Federazioaren eskutik, formazio saio teoriko-praktikoa antolatu du Zumaian:
- Gaia: Defentsarako balantzea
Hizlaria: Jorge Dueñas
Ordutegia: 17.30-20.00
Saioak bi atal izango ditu: 17:30etik 18:30era saio teorikoa, defentsarako balantzeari buruzkoa, Zumaienako bideo aretoan. 18:30etik 20:00etara, berriz, saio praktikoa izango da Pulpoko jokalariekin, Lubaki kiroldegiko kantxan bertan. Formazioa presentziala den arren, on-line jarraitzeko aukera ere eskaintzen du, eta dagoeneko eskubaloi munduko prestatzaile ugarik eman dute izena.
Jorge Dueñas Galartza bilbotar eskubaloi jokalari ohi eta entrenatzailea da. Atezain aritu zen Arraten edo C.A. Valladoliden. Erretiratu eta gero, Arraten eta Zuazon entrenatu zuen eta, ondoren, Espainiako selekzioaren emakumezko taldearen entrenatzaile izan zen. Urte haietan, 2008ko eta 2014ko Europako Txapelketetan taldea txapeldunordea izatea lortu zuen, eta 2011ko Munduko txapelketan eta Londresko Olinpiar Jokoetan, berriz, brontzeko domina lortu zuen. Gaur egun Brasilgo selekzioko hautatzaile nagusia da.