Hegoaldearen eta iparraldearen arteko mugan bizi naiz, Campamento auzoan, Carabanchel goian kokatzen den langile eta etorkin auzo batean. Ez naiz kexu, Somosaguaseko Complutense Unibertsitateko campusa etxetik hamar minutura dut autobusean. Hori bai, autobusa hartu eta segituan, unibertsitatera bidean noala harresi ikusiezina igarotzen dut. Pozuelo de Alarcon herria zeharkatu behar baitut unibertsitatera iristeko, urbanizazio pribatuz jositako herria eta Estatuko Barne Produktu Gordina per capita tasa altuena duen herria.
Horren gertu eta horren urrun. Pozuelon bizi den biztanle batek ez du bere bizitzan ia inoiz erlazionatu beharko Carabanchelen edota Vallecasen bizi den norbaitekin. Ikusten ditu, baina ez dira existitzen, ez dira bere bizitzaren parte. Azaro honetan 30 urte beteko dira Berlineko harresia eraitsi zela. Ordea, gogoratu inork gutxik aipatuko dizkizuen gure hirietako harresi ikusiezinekin.