Izarratik abiatuta, hostozabalez estalita dagoen 19 kilometrotako ibilaldi ederra egingo dute. Ekosistema ikusgarria zeharkatuko dute Gorbeialdeko parketxeraino. Bertan ditugun tontorrak apalak dira, baina, hala ere, Burbona baliagarria da Ehun mendi ekimenerako.
Ibilbideak 19 kilometrotan 700 metrotako desnibel metatua du, eta basoan zehar biderik gabe joateak duen esfortzu gehigarria.
Animatu aurtengo azken egun-osoko irteera honetara. Gogoratu eguraldiak laguntzen badu, jatordua bidean egiteko soinean eramatea komeni dela. Goiko estankoan (943 86 03 57) edo Indamendiren webgunean izena eman daiteke ostiral eguerdia baino lehen. Autobusa Txomin Agirreko geltokitik aterako da 7:30ean, eta 13 euroko kostua du helduentzat, eta 7 eurokoa haurrentzat. Irteeratan parte hartzeko ez da beharrezkoa bazkidea izatea, edonork parte hartu dezake.