Zumaiako Institutuan dagoeneko Txikipediarako 1000 artikulu egin ditugu. Txikipediak dituen zazpi artikulutatik bat hain zuzen ere. DBH 2ko Txikipedia tailerra ikasgaian sortu dira gehienak baina beste mailatan ere artikulugintzan aritu dira gure ikasleak.
Batxilergoko 1. mailako ikasleekin "Txikipedian nabigatuz" diziplina arteko ikas egoera sortu dugu. Donostiako Aquariumarekin egindako elkarlana izan da. Marrazketa artistikoko ikasleek Aquariumeko ozeanarioan dauden espezieen ilustrazio zientifikoak egin dituzte, Latineko ikasleek izen zientifikoak aztertu dituzte eta azkenik Biologia-Geologiako ikasleek artikuluak osatu dituzte eta ilustrazioak eta izen zientifikoen azalpenak txertatu dituzte. Ondoren Donostiako Aquariumera bisita egin dugu eta apirilean egindako marrazki eta artikuluen erakusketa egingo dugu Oxford aretoan.