Saioaren nondik norakoa:
HH:
1. Irakasleak, NAIZENA NAIZELA ONARTUAren esanahia azalduko du.
2. Haur bakoitzari bere gustuko koloreekin margotzeko izar bat emango dio. Bertan, adinaren arabera, bere izena eta gehien
gustatzen zaizkion hiru gauzak adieraziko (idatziko) dituzte.
3. Izarrekin orma-irudia osatuko da eta gelan kokatuko da.
4. Irakasleak norbanakoen distira partekatuko du.
LH:
1. Irakasleak jardueraren azala erakutsiko du eta galdetuko du zer nahi duen esan NAIZENA NAIZELA ORNARTUA.
2. Talde txikietan galderari erantzungo diote. Idazkari bana izendatuko da eta ateratako hitz edo ideiak jasoko ditu.
3. Arbelako ideiak aztertuko dira eta interpretazioa egiten saiatuko
dira.
4. Ondorioak aterako dira: Zuen ustez, unitatearen azalak zer aldarrikatu nahi du? Beharrezkoa al da?
Bideoak:
DBH:
1. Lauko taldeak egin ondoren, jardueraren azalaren gaineko hausnarketa egingo da: zer islatzen du? Taldeetako idazkariak ideiak jasoko ditu.
2. Idazkari bakoitzak ideiak denon aurrean azalduko ditu, arbelean idatzi eta partekatuko dira.
3. Irakasleak LGTBI+ pertsonen bandera dela adierazi ondorean,
letra bakoitza definitzen saiatuko dira.
4. Idazkariek, txandaka, definizioak (hurrengo orrian daude)
irakurriko dituzte eta hausnarketa bultzatuko da.
5. Talde txikietan, LGTBI pertsonen eskubideak eta askatasunak erabat gauzatzeko egon daitezkeen oztopoak gainditzeko ideiak
jasoko dira, eta ondoren arbelean idatziko dira.
LESBIANA: Emozionalki edo fisikoki sexu bereko norbaitek erakartzen duen emakumea.
GAY: Emozionalki edo fisikoki sexu bereko norbaitek erakartzen duen gizona.
TRANSGENERO: Jaiotzerakoan esleituriko generoarekin ados ez dagoena, eta ondorioz sistema bitarrari uko egiten diotenak, hau da, ez direnak ez emakume ezta gizonezkoen ereduarekin identifikatzen. Normalean, genero batera egokitzeko kirurgiarik ez dute egiten.
TRANSEXUAL: Jaiotzerakoan esleituriko generoarekin ados ez dagoena, eta bere gorputzarekin eroso sentitzeko prozesu kirurgiko, hormonal zein psikologikoa gauzatzera behartua dagoena, bere NANean berak sentitzen duen generoa islatu ahal izateko.
TRABESTI: Egunerokotasunean erabiltzen duen generoarekin bat ez datorren janzkera erabiltzea gustuko duena. Janzkera hori ez da egonkorra izango bere bizitzan eta ez du bere sexualitatearekin zerikusirik izango.
BISEXUALA: Nahiz emakume nahiz gizonekiko erakarpena sentitzen duena.
INTERSEXUALA: Bere genitalitatean gizon eta emakumeen ezaugarriak dituen pertsona. Bere kromosoma informazioa ez dena XX edo XY sistema bitarrara egokitzen. Arrunki “hermafrodita” deitu izan zaie, edonola, hitz honek gutxiespena kutsua du. Normalean, intersexual jaiotzen diren haur askoren jaiotzako sexua kirurgiaren bitartez erabakitzen da. Eta horrek gero arazo emozional zein fisikoak sortzen ditu gehienetan. Maiz nerabetasunean kirurgikoki esleitu zaien sexuarekin ez daude ados.