Eskola kiroleko Gipuzkoako txapelketako kimuen paletako finala jokatuko da larunbatean, 16:00etatik aurrera, Zumaiako Aitzuri frontoian. Lehenbizi hirugarren eta laugarren postuak erabakitzeko partida jokatuko dute Lizardi Igeldo eta Ilunpe 1 klubetako pilotariek. Jarraian Zumaia Kirol Elkarteko pilotariek jokatuko dute txapelketako finala.
Izan ere, herriko pilota elkarteko bi talde heldu dira txapelketako finalera, Zumaia 3 eta Zumaia 4. Zumaia 3ren aldetik, Beñat Argoitiak, Luken Osanbelak eta Aimar Rodriguezek osatu dute taldea; Zumaia 4 taldea, berriz, Oier Alkortak, Haitz Leonek eta Xabat Esteibarrek.