Udalerri Euskaldunen Mankomunitatearen (UEMA), Mondragon Unibertsitatearen (HUHEZI) eta Udalaren eskutik, «Euskara eta kulturartekotasuna hezkuntza-komunitateetan» delako proiektua jarri dugu abian Zumaienan. Jakinarazpen guztiak euskaraz sortuz, proiektuaren helburu nagusia da guraso guztien partehartzea sustatzea, euskaraz ez dakitenen familiei horretarako baliabideak eta tresnak eskainiz. Euskalduntasunaren eta kulturartekotasunaren arteko bidea adostasunean eta enpatian oinarrituta eraikitzea da gure erronka.