Sorreratik, sentsibilizazio-ekimenak, esku hartzeko programak, ekimen kulturalak edo ikerketa-lanak antolatzen ditugu, lau lan-ildo nagusitan banatuta:
1. Euskaren erabilera sendotzea
2. Sentsibilizazioa lantzea3. Euskal kultura sustatzea4. Hizkuntza-eskubideak defendatzea
Baina, horiek egiteaz gain, nahiko genuke Larraina Euskara Elkartea Zumaiako euskaltzaleen bilgune izatea, elkar ezagutzeko, ekimenak sortzeko eta ekimen horietan parte hartzeko aukera desberdinak izan ditzagun. Horretarako, gure larraina edo elkartzeko tokia zabaltzeko kanpaina bat jarri dugu abian, elkarteko bazkide izateko modu desberdinekin: informazioa jasotzen jarraitu, ekimen puntualetan lagundu, lantaldean parte hartu, urtean diru-kopuru bat eman... Gurekin bat egitera animatzen zaituztegu, formulario hau beteta: https://forms.gle/1YS3rGDh1iv3teRu9
Denontzat dago tokia gure larrainean, eta gurekin bat egitera animatu nahi zaituztegu.