'Euskaraz, bai horixe!' bideo lehiaketa abian da

Erabiltzailearen aurpegia

Azaroaren 1a bitarte jasoko dituzte bideoak. Euskararen erabilera sustatzeko helburuarekin antolatu du lehiaketa Larraina euskara taldeak, eta parte hartzeko argibideak eman ditu. 

ZER EGIN BEHAR DA? Oso erraza da: 2 edo 3 minutuko bideo bat. Bideo horren helburua zumaiarren artean euskararen erabilera sustatzea izango da. Hausnarketarako eta bideoaren edukia lantzeko lagungarriak izan daitezkeen hainbat gai eta galdera proposatzen dira: zergatik ez dugu euskaraz egiten beti?; lehenengo hitza euskaraz; euskaraz hobeto; horrek ez du euskaraz jakingo...; aurreiritziak apurtu...

NOR AURKEZ DAITEKE? 14 eta 18 urte bitarteko zumaiar gazteak, hau da, 2004-2008 artean jaiotakoak.

ZEIN DA SARIA? 
Hiru sari izango dira, denak GERTU Zumaiako merkatari eta ostalarien elkarteko bonutan. Sari-banaketa azaroaren 5ean izango da, Larraina egunarekin bat.
1. saria: 500 euro bonutan.
2. saria: 300 euro bonutan.
3. saria: 200 euro bonutan.

NOIZ ARTE BIDAL DAITEKE BIDEOA?
Proposamenak azaroaren 1erako (egun hori barne) entregatu behar dira. 

NORA BIDALI BEHAR DA BIDEOA? 
Bideoa Wetransfer bidez bidali beharko da helbide honetara: zumaia@larraina.eus. Bideoaren hasieran lehiaketaren karatula jarri behar da, eta bertan txertatu bideoaren izenburua.

OINARRIAK ETA DOKUMENTUAK
Oinarri eta xehetasun gehiago hemen.
Adin txikikoen parte-hartze baimena hemen.
Bideoaren hasieran jarri beharreko karatula hemen.