1980eko hamarkada hasierako argazkia da hau. Irudian agertzen den musikarietako baten esanetan, 1981. urtekoa izan daiteke, "ez behintzat 1980ekoa". Argazkian orduko Zumaiako Musika Bandako kideak agertzen dira, Eusebio Gurrutxaga plazan; atzean Odieta frontoi zaharra ikus daiteke.
Aipatu musikariaren arabera, argazki honek badu berezitasun bat eta da emakumeak ere Bandako partaide bezala agertzen direla. Izan ere, emakumeak ez ziren Zumaiako Bandako kide izan ordura arte. Gauzak aldatu dira ordutik.
