Zuzendaria: Iban Gonzalez Ekoizleak: Karmelo Vivanco, Idure Cajaraville Gidoia: Jon Gonzalo Argazkia: Iban Gonzalez Muntaia: Iban Gonzalez Aktoreak: Barbara Rivas, Esther Remiro Elkarrizketatuak: Edurne Aizpurua, Lore Albizu, Margari Albizu, Josune Sasiain, Lide Balenciaga, Agate Sodupe, Tere Larrar, Itziar Sagarzazu, Matilda Aizpurua, Garbiñe Andonegi, Arantza Bullain, Anita Usiain Gerra Zibilean bada istorio bat 80 urtetan ezkutuan mantendu dena, isilpean. Istorio honetako protagonistak ez dira Frankoren kontra borroka egin zuten ohiko gudariak. Emakume anonimoak dira, eta agian horixe da haien istorioa ezezaguna izatearen arrazoia. Izan ere, nork ezagutzen du Gerra Zibilean Gipuzkoatik kanporatu zituzten emakumeen istorioa? 1937ko neguan Gipuzkoako 14 herrietako 1.000 emakume kanporatu zituzten. Errepublikaren alde frentean borrokan ari ziren gizonen emazteak ziren, abertzaleak eta errepublikazaleak. Haien etxetatik bota zituzten, eta seme-alabak besoetan norabide jakinik gabeko bidaia hasi zuten.
Olatz Goiburu eta Pelex artisten Goputzak erakusketa egongo da Alondegiko Oxford aretoan apirilaren 28tik maiatzaren 14ra. Egunero izango da zabalik, 18:00etatik 20:00etara; asteburu eta jaiegunetan eguerditan ere bai:12:30etik 14:00etara.