Bihar, larunbatez, Euskadiko boxeo txapelketako finalak jokatuko dira Getxon, Andra Mari kiroldegian. 15:00etan egingo dira pisatzeak, eta bi ordu geroago, 17:00etan, hasiko dira borrokaldiak.
Zumaia Cuban Boxing klubeko boxeolari bat izango da final hauetan, Eliezer Chavarria, hain zuzen. 75 kiloko kategorian arituko da iaz junior mailako Euskadiko txapelketa irabazi zuen boxeolari gaztea.