Indamendi mendi elkarteak urteurrenaren harira Aita Mari aretoan solasaldia eta proiekzioa antolatu ditu. Alde batetik, bihar, martxoak 14, 19:30ean Emakumeak eta mendia mahai ingurua egongo da. Bertan, Montse Lasterra, Nerea Iraola eta Amaia Aranzabal mendizaleak izango dira hizlariak.
Bestetik, Silvia Vidal (Piolet d'Or) alpinistaren Un pas mes dokumentala eskainiko dute, eta hori martxoaren 16an, osteguna, izango da, 19:30ean.