Inauterizaleek badute zer gozatua gaur eta bihar herrian bertan. Egitarau zabalena gaurko antolatu dute, eta eguerditik aurrera, kalejirak, dantza ikuskizunak, mozorro festa eta lehiaketak, DJ emanaldiak eta Argazki Txokoa izango dituzte aukeran herritarrek.
Atzo hasi zituzten inauteriak herrian, Musika eta Dantza Eskolaren urteroko jaialdiarekin.
Hona hemen aurtengo inauterien egitaraua:
Gaur, larunbata
12:00-14:00. Zumai txarangaren kalejira herriko kaleetan zehar.
12:30. Eusebio Gurrutxaga plazan Astindu dantza elkartearen dantza-kalejira.
17:00. Eusebio Gurrutxaga plazan inauterietako mozorro festa.
18:00. Haurren mozorro lehiaketa.
18:30. Herriko kaleetan zehar kalejira Zumai txarangarekin.
18:30-21:00. Oxford aretoan Argazki Txokoa.
22:00. Amaia plazan, Dj Davilaren saioa.
Bihar, igandea
12:30-14:30. Betijai fanfarrearen kalejira herriko kaleetan zehar.
17:00. Aita Marin, zine emanaldia Yuku eta Himalaiako lorea.
Etzi, astelehena
15:00 eta 17:30. Zumaienan, Pirritx, Porrotx eta Marimotots pailazoen ikuskizuna: Urteak bete, abenturak bizi.