Santa eskeko koplak abestera atera dira Zumaiako ikastetxeetako haurrak eskoletatik. Zumaiako Herri Eskolako ikasleak Otezuri egoitzan eta eguneko zentroan izan dira goiz partean. Solairuz solairu aritu dira haurrak bertako egoiliarren aurrean kantuan.
Zumaiena ikastetxeko ikasleek, berriz, Gernika parkean egin dute ekitaldia. Irulegiko eskua ere beraiekin zutela, eta eguraldia lagun, kantu saioa egin dute tren estazio zaharraren aurrean.