Berdintasun Foroa egingo dute datorren asteazkenean, hilak 25, aurten Zumaian berdintasuna nola sustatu erabakitzeko xedearekin. Bilera Emakumeon* Etxean izango da, 18:00etan.
"2023an zer egin nahi dugu, herrian, berdintasuna sustatzeko? Zer jaso dugu IV. Berdintasun Planean?". Horiexek izango dira bileran landuko dituzten puntuak.
Hala, udaleko Berditasun sailak herriko emakume guztiak gonbidatu ditu foroan parte hartzera: "Saioa dinamikoa izango da, eta animatu nahi ditugu herriko emakumeak parte hartzera. Ez da ezer berezirik behar parte hartzeko, bakarrik, gogoa: gogoa gauzak aldatzeko, eragiteko, entzuna sentitzeko... Emakumeok* badugulako zer esan".