'Amapatxa' liburua aurkeztuko du Ion Brakamontek gaur Oxford aretoan

Ion Brakamonte. (Juan Luis Romatet)

Argentinatik Estatu Batuetara motxila soinean zuela egin zuen bidaian izandako esperientziak biltzen ditu Amapatxa liburuak. Gaur aurkeztuko du, 19:00etatik aurrera, Alondegiko Oxford aretoan. 

Patagoniatik (Argentina) Chicagora (AEB) bitarteko bidea egin zuen Ion Brakamonte zumaiarrak motxilero gisa. Bidean zehar hainbat esperientzia bizi izan zituen –COVID-19aren izurriteak, esaterako, El Salvadorren harrapatu zuen–, eta horietako asko Amapatxa liburuan jaso ditu.

Mikromezenasgoaren bidez lortu du Brakamontek liburu hau argitaratzeko dirua, eta gaur aurkeztuko du, 19:00etatik aurrera Alondegiko Oxford aretoan egingo den aurkezpen saioan.