Aurpegi berriekin antolakuntzan eta ibilbidean aldaketekin jokatu da gaur goizean Bikote Mistoen 43. Krosa. Pandemiak eragindako bi urteko etenaren ondoren, Zarauzko proba klasikoa antolatzeko lekukoa eta erronka hartu du Zarautz Rugby Taldeak, eta parte hartzeari dagokionez, erantzun bikaina jaso dute. Izan ere, 550 bikotek hartu dute gaurkoan irteera Aritzbatalde kiroldegi paretik; nolabait ere, pandemia aurreko edizioetako partaidetza kopurua izan da.
Horien artean izan dira Martin Amilibia eta Aratz Rodriguez, eta lasterketaren buruan ziren Judith Otazua gernikarrak eta Jon Unzueta durangarrak osatutako bikoari gertutik jarraitzen ahalegindu diren arren, bigarren egin dute zumaiarrek. Ainara Urrutia eta Igor Olalde aretxabaletarrak hirugarren helmugaratu dira Lege Zaharren Enparantzan.
- Ikusi hemen Bikote Mistoen 43. Kroseko albistea eta argazki bilduma.