Bilera irekia egingo da gaur udaletxeko pleno aretoan, eta partaidetzazko aurrekontuen prozesuan bozketa fasera pasa diren proposamenen xehetasunez nahiz kanpoan geratutako proiektuen inguruko nondik norakoez arituko dira 18:00etan hasiko den ekitaldian. Izan ere, Aste Santuen bueltan abiatutako prozesua amaitzear da. Herritarrek aurkeztutako 20 proposamen edo proiektu pasatu dira bozketa fasera, eta zumaiarrek izango dute aukera beraien hiru gogokoenak aukeratzeko. Urriaren 14ra arte izango da aukera botoak emateko.