Uda sasoian atseden hartu ondoren, asteburu honetan hasiko dute kirol denboraldia zesta-puntako Zumaiako jokalariek. Gipuzkoako Txapelketako lehen partidak hartuko ditu Zumaiako Aitzuri frontoian gaur bertan, 19:00etatik aurrera. Nagusien mailan, herriko bi bikote neurtuko dira: Zumaia 3 Zumaia 2ren aurka; kadete mailan, berriz, Zumaiak Hondarribia 1 izango du aurkari.
11 jokalarik jokatuko dute Zumaiaren izenean txapelketa honetan: Frida Watkins eta Aratz Egaña kadete mailan –Mutrikuko klubak utzitako jokatuko du Egañak Zumaiarekin–; Cosme Agirre eta Unai Uranga 1. mailako seniorretan; eta seniorretako 2. mailan, Eduardo Agirre eta Ander Ureta Zumaia 1 bikotea osatuz, Gonzalo Agirre eta Julen Cabanillas Zumaia 2 bezala, eta Haritz Egaña, Danel Odriozola eta Marlon Watkins Zumaia 3n txandakatuz.
Klubeko bi kirolari, gainera, Espainiako zesta punta txapelketa ari dira jokatzen: Eduardo Agirre aurrelaria eta Gonzalo Agirre atzelaria
Frida Watkinsek, berriz, Euskal Herriko zesta-puntako elitezko txapelketako finala jokatuko du igandean, 11:00etatik aurrera, Berriatuan. Arakistainekin bikotea osatuta, Ortiz de Mendibil eta Aldazabalen aurka arituko da.