Datorren astean ekingo diote haurrentzako boxeo ikastaroei

Helduen boxeo ikastaroak dagoeneko hasita, haurren saioei datorren astean ekingo dietela aurreratu du Zumaia Cuban Boxing klubak.

Klubeko arduradun Ruben Arredondok azaldu duenez, ikastaroak astelehenetan eta asteazkenetan emango dira, 17:30etik 18:30ra bitartean. Lehen astean Lubaki kiroldegian emango dira, baina hurrengotik aurrera Herri Eskolako gimnasioan. 

Ikastaro hauek 8 eta 14 urte bitarteko neska-mutilei zuzenduta daude. Izenak emateko 606 10 76 33 (Ruben Arredondo) telefonora deitu beharko da.