Haurrentzako tailerrak egingo dira Algorri zentroan Olarro Egunean

Datorren larunbatean ospatuko da Olarro Eguna Zumaian. Goiz partean haurrentzako doako bi tailer antolatu dituzte Algorri Interpretazio Zentroan. 

Ekitaldiz beteta dator datorren larunbatean egingo den Olarro Eguna: batel estropadak, argazki rallya, sabela betetzeko mila eta bat aukera, etab. Haurrentzako tailerrak ere antolatu dituzte aurten ere. Algorri Interpretazio Zentroan egingo dira, bi txandatan banatuta: 11:00etatik 12:00etara lehena eta 12:00etatik 13:00etara bigarrena. 

Parte hartzea doakoa izango da, baina aurrez izena eman beharko dute Algorri zentroan bertan (Juan Belmonte 21), 943 14 31 00 telefono zenbakira deituta, edo info@algorri.eus helbide elektronikora idatzita.