Udaren erdian, uda giroko galdera bota zien BALEIKEk webguneko irakurleei: Zuk zer hondartza duzu nahiago: Itzurun ala Santiago?. Bost erantzun zeuden aukeran: Santiago hondartza; Itzurun hondartza; biak; jende gutxi dabilenean, Itzurun; jende gutxi dabilenean, Santiago.
313 erantzun jasota, konparaziorik ez dago: gehienek Itzurun dute gustukoen. Itzurun hondartza %58,15ek aukeratu zuten, eta Itzurun, jende gutxi dabilenean aukera, beste %16,93k.
Santiago hondartzaren alde %13,74k bozkatu zuten –eta %1,28 gehiagok Santiago hondartza jende gutxi dagoenean–.
Ehuneko ia hamar batek, berriz, %9,90ek, bi hondartzak aukeratu zituzten.
Hurrengo urtean inkesta bera eginda, emaitzak errepikatuko ote?...
