Elkanoren Lehorreratzearen antzezpen ekitaldia izango da asteartean, hilak 6, Getarian. Zumaia eta Zarautz lotzen dituen kostako errepidea, N-634a, itxi egingo dute 15:30etik 20:00ak aldera arte, eta jakinarazi dute Meagako bidea nahiz A-8 autobidea erabili ahal izango direla.
Getarian egingo den ekitaldiak eragina izango du inguruko errepideetako trafikoan. Zumaia eta Zarautz arteko errepidea, esaterako, itxi egingo dute arratsaldean.
