Euskal Jai Eguna ospatzeko gogoarekin zeuden herritarrak, eta hala erakutsi zuten egun osoan zehar. Goizeko azoka, bertso saio eta herri bazkari jendetsuaren ondoren, arratsaldean jarraitu zuen giroak Beheko plazan izan ziren sagardo dastaketa eta taloen ondoren. Plaza dantzek ere bere tartea izan zuten karpan, eta txarangak gazte zein heldu beraiekin eraman zituzten kalejiran.