Uretaratu dute 'Fonnalaks' ontzia

Balenciaga ontziolak Fonnalaks izeneko ontzia egin du Norvegiako Samlaks armadorearentzat, eta gaur arratsaldean, 17:30 aldera, uretaratu dute. Ohiko moduan, botadura guztietan bezalaxe, herritarrek ikusminez jarraitu dute gertaera.

Akuikulturara bideratzeko diseinatu dute ontzia; hain justu ere, izokina garraiatzeko eta prozesatzeko erabiliko dute. Guztira, 49,70 metro luze ditu, 13,20 metroko mahuka eta dozena bat laguneko tripulazioarentzat kabida. Orain, falta zaizkion azken lanak Sarauneko moilan egingo dizkiote.