Zumaiako zenbait saltokietan itsulapikoak izan dira bi hilabetez, Ukrainako errefuxiatuen alde dirua biltzeko. Jaso dituzte dagoeneko, eta egin dute kontaketa: guztira, 1.203,59 euro bildu dituzte. SOS Ukraina Zumaiako kideek bere eskerrik beroenak eman nahi izan dizkiete ekarpena egin duten zumaiarrei.
SOS Ukraina Zumaia taldearekin elkarlanean, itsulapikoak jarri zituzten apirilaren erdialdean Gertu ostalari eta merkatarien elkarteko saltokietan. Zumaiara iristen diren errefuxiatuei laguntzeko erabiliko dute bildutako dirua.