Pilota munduan emakumeen parte hartzea sustatzea izan du helburu bi jardunaldiz osatutako txapelketa honek. Lehena martxoaren 20an jokatu zen Mutrikun, eta bigarrena atzo Andoain. Partiden amaieran banatu zituzten txapelak eta garaikurrak.
Zumaiako Kirol Elkarteko bi puntistak hartu dute parte txapelketa honetan: Maite Ortiz de Mendibilek federatuen mailan, eta Frida Watkinsek infantiletan. Bikote finkoak osatu baino, partaideak txandakatzen joan dira partidetan zehar. Bi jardunaldietan jokatutako partidetako emaitzak kontuan hartu dituzte txapelak banatzerako orduan, eta Watkins gaztea infantil mailako irabazlearen txapelarekin itzuli da etxera.