Gipuzkoako trainerilla txapelketak hartu ditu asteburuan Pasaiako badian. Larunbateko jardunaldia, txapelketako sailkatze estropada izateaz gain, ligako azken jardunaldia ere izan zen. Zumaiako ontziek bandera bat eta zilarrezko bi domina erdietsi zituzten.
Igandean erabaki ziren txapelketako irabazleak. Zumaiak ezin izan zuen banderarik ekarri herrira, baina lan txukuna egin zuten oro har. Jubenil mutilak bigarren izan ziren, eta neskak hirugarren. Maila absolutoan, neskak hirugarren izan ziren; mutilek, berriz, Federazio Saria irabazi zuten.