Ate irekiak egingo ditu Zumaiako Musika eta Dantza Eskolak maiatzaren 16tik 20ra bitartean

Zumaiako Musika eta Dantza Eskolaren eskaintza ezagutzeko aukera izango da datorren astean, maiatzaren 16tik 20ra bitartean. Ate ireki hauetan parte hartzeko aurrez izena eman beharko da. 

Musika eta dantzako ikastaro eskaintza zabala du Zumaiako Musika eta Dantza Eskolak. Ekintza eta jarduera horien berri izateko ate irekiak antolatu ditu eskolako zuzendaritzak. Maiatzaren 16tik 20ra bitartean egingo da, astelehenetik ostiralera, arratsaldez. 

Ate irekietan parte hartzeko beharrezkoa izango da maiatzaren 12a (osteguna) baino lehen izena ematea, eskolako bulegoan (gaur eta bihar, 17:30etik 19:30era), 943-86 11 83 telefonora deituta, edo musikaeskola@zumaia.eus helbidera idatzita.

Ate irekien egutegia hau izango da:

Instrumentuak (17:30-18:30)

Astelehena 16

  • Trikitixa/pandero: Xabi Solano.
  • Gitarra: Harkaitz Bastarrika.
  • Perkusioa: Agustin Agirre.

Asteartea 17

  • Dultzaina: Garikoitz Mendizabal.

Asteazkena 18

  • Klarinetea: Marixi Sesma.
  • Zeharkako flauta: Naiara Ibeas.
  • Oboea: Jon Berruezo.
  • Ahotsa/biolina: Ainhoa Franco.

Osteguna 19

  • Saxofoia: Silvia Merino.
  • Eskusoinua: Sofia Oria.
  • Pianoa: Arantxa Bidasoro.
  • Txistua: Txistulari Banda.

Ostirala 20

  • Tronpeta/tronboia/bonbardinoa: Markel Uribarren.

Musika Tailerra

Astelehena 16

  • Tailerra 5-6, 17:45-18:30: Sofia Oria.

Asteartea 17

  • Tailerra 4 urte, 17:30-18:15: Sofia Oria.

Antzerkia

Asteartea 17

  • Musika Eskolan, 17:30: Esti Curiel.

Dantza

Euskal dantza

Asteazkena 18

  • Torreberrin, 18:30: Alain Maya.
Dantza garaikidea

Asteartea 17

  • Zumaienan, 19:00: Garazi Etxaburu.