Madrilen izapidetzen ari diren Enplegu Pentsioen Planak Sustatzeko Lege Proiektuari buruzko dokumentu bat eman diete gaurko ekintzara bertaratu direnei. Lege-Proiektu honen aurkako iritzia eman dute, "izan ere, aurrera eginez gero, Pentsioen Sistema Publikoa ahuldu egingo da ekarpen sozialen zati handi bat Bankuek eta Aseguru Pribatuek kudeatuko dutelako, eta biztanle behartsuenak kanpoan utziko dituen Sistema bat bihurtuko delako".
Astelehenero bezala, herriko pentsiodunen talde batek elkarretaratzea egin du eguerdi partean Saregileen plazan. Datozen bi astelehenetan ez dute kontzentraziorik egingo, eta hurrengoa maiatzaren 4an izango da.