Korrikaren aurreko orduak girotzeko egitaraua antolatu dute biharko

Bihar gauean pasako da Korrika Zumaiatik. Hori dela eta, bihar egun osorako egitaraua antolatu dute, zumaiarrok Korrikari behar duen ongietorria emateko giroa sortzeko.

Goizean Korrika Txikia egingo da, Martxoak 8 plazatik (Ardantzabide) Beheko plazara 11.30ean abiatuta. Bertan manifestua irakurriko dute.

Arratsaldean, berriz, 18.30ean hasita Otsandreak Korrika gazte eta helduentzako kontaketa izango da Emakumeon* Etxean, Amaia Zinkunegi Zipitriaren eskutik.

Behin kontaketa amaitzean, 20.00etatik aurrera kofradian Korrika jaia ospatuko da. DJ Bullek bere karabanarekin musikaz girotuko du jaia, eta sagardotegi txiki bat izango da doan: Lizeagako barrikotea eta Inpernupe Elkarteak erretako txahal saiheskia banatuko da kofradiako plazatxoan.