Odola emateko saioa izango da asteazkenean Zumaian

Asteazkenean, hilaren 17an, izango da odola emateko ohiko saioa, Jubilatuen Etxean. Odola eman nahi dutenek aurrez hitzordua hartu beharko dute.

Odola eman nahi dutenek 16:30etik 20:30era bitartean izango dute horretarako aukera, Jubilatuen Etxean. Ezinbestekoa da aurrez hitzordua hartzea, astelehenean edo asteartean, 17:30etik 21:00etara, telefono zenbaki honetara deituta: 609 812 706.