Bere hainbat kantu, hitz eta gogoeta biltzen dituen liburuarekin batera, Kantu bat gara diskoa argitara emango du Jon Maiak azaroaren 12an. Abeslari ezagunekin kolaboratu du Maiak, besteak beste, Asier Etxeandia aktore eta abeslari bilbotarrarekin.
Lan osoa erakutsi aurretik, aurrerapen kantua argitaratu du gaur Maiak. Gozategi taldearentzat idatzitako Nirekin abestiaren bertsioan Pello Ramirez, Nacho Soto eta Gorka Hermosak osatutako taldeak konposatu du musika, eta Etxeandiak eta Maiak jarri dute ahotsa.