Atzo goizaldean hilketa matxista bat izan zen Gasteizen. Sansomendi auzoko etxebizitza batean aurkitu zituen Ertzaintzak emakume baten eta gizonezko baten gorpuak, eta itxura guztien arabera, gizonak emakumea hil ondoren bere buruaz beste egin zuen.
Gertatutakoa salatzeko protestak deitu dituzte Euskal Herri osoan, eta Zumaian ere irtengo dira kalera gaur, asteazkena. Eraso sexistarik ez! Autodefentsa feminista! lelo hartuta, Saregileen plazan elkartuko dira, 20:00etan.