Euskal abesti zaharrak aukeratu eta "folk teknologiko/elektroniko kutsuarekin" birmoldatu ditu Etxabek Antuxuna izeneko proiektuan. Musika bakarrik ez, zuzeneko irudiekin uztartu nahi ditu abesti hauek agertokian.
Baninduaien Kantatzera izeneko zuzeneko emanaldia prestatu nahi du orain, eta horretarako mikromezenasgora jo du zumaiarrak. Azaldu duenez, Foru Aldundiak bultzatzen duen PiztuMeta2021 diru bilketa kanpainaren barruan egonda, instituzioak bere ekarpena egiteko lehenbizi artistak bere partea egin behar du.
Horren berri emateko, aurkezpen ekitaldi bat egingo du bihar, osteguna, 18:30ean hasita, Alondegiko Oxford aretoan. Proiektuaren xehetasun gehiago emango ditu bertan. Hala ere, norbaitek lagundu nahi badu proiektua aurrera ateratzen, hemen dauka aukera.