Ostiralean eta larunbatean egingo da aurtengo Dardarafest musika jaialdia, Dardara Musika Kolektiboak antolatutako hamargarrena. Ostiraleko kartela rockeroagoa izango dela diote antolatzaileek: Cobra eta Bamms taldeak igoko dira Sagarbideko patioan jarritako eszenatokira; larunbatekoak, aldiz, indie edo pop ukitu gehiago izango ditu, Grises eta Woodstrings taldeei esker. Kontzertuak 19:00etan hasiko dira bi egunetan, eta sarrerak salgai daude hemen.
Jaialdiaren hamar urteko historiaz, eta aurtengo edizioaz hitz egin dute Dardara Musika Kolektiboko Imanol Amilibiak eta Aitor Ramosek.