N-634 errepidea larunbat eguerdian itxiko da ordubetez Donostia Klasikagatik

Juan Luis Romatet 2021ko uzt. 28a, 15:09

Larunbat eguerdian igaroko da Donostiako Klasika txirrindularitza proba Zumaiatik. Hori dela eta, ordubetez itxita egongo da N-634 errepidea. 

12:40 inguruan pasako da txirrindularitza proba hau Zumaiatik, saihesbidetik. Getariatik etorriko da Zumaiara eta Txikierditik utziko du herria. Kirol proba hau dela eta, N-634 errepidea itxita egongo da ordubetez: 11:50etik 12:50ra ezingo da sartu-irtenik egin Zumaian, gutxi gorabehera.