'Edda Brint' ontzia uretaratuko du gaur Balenciagak

Astilleros Balenciaga enpresak beste ontzi bat uretaratuko du gaur. Edda Brint du izena eta Norvegiako armadore batentzako egin du Zumaiako ontziolak. 

Itsasgorarekin batera uretaratuko dute ontzia, 19:00ak aldera. Hori dela eta, 18:00etatik 20:00etara bitartean ezingo da beste jarduerarik egin ontziolaren inguruko ibai zatian. Horrez gain, lehorrean, Gernika parkean, segurtasun hesia jarriko da ontziaren maniobra eremuan inor ez sartzeko.