Gaur jokatu da Zumaian Joxe Mari Kortaren oroimenezko Zumaiako XLIII. Uda txirrindularitza Saria, eta Aimar Madina oñatiarrak irabazi du proba, 2 ordu, 45 minutu eta 43 segundutan helmugara sailkatu ondoren. Bigarren eta hirugarren postuan sailkatu dira, hurrenez hurren, Hugo Aznar nafarra (02:45:56) eta Unai Zubeldia ibartarra (02:46:46).
Guztira 163 txirrindularik parte hartu dute proban, eta 10:00etan abiatu dira Zumaiatik, ondoren ibilbideko 110 kilometroak egiteko.