Zumaiako Udalak argitaratu du dagoeneko garapenerako lankidetza sustatzen duten erakundeek diru laguntzak eskatzeko epea. Abuztuaren 23ra bitarte izango dute horretarako aukera, Zumaiako Udalaren egoitza elektronikoan edo udaletxean bertan.
Gizarte zerbitzuen alorrean lan egiten duten elkarteentzako diru laguntzak eskatzeko epea ere zabaldu du udalak. Irabazi asmorik gabeko elkarteei zuzendutakoak dira, eta, kasu honetan, abuztuaren 2ra arte eska ditzakete.
Zumaiako Udalaren webgunean ikusgai daude laguntzetarako eskaera orriak eta oinarriak.