Braderie eguna ospatuko du larunabatean, hilaren 24an, Gertu Zumaiako merkatari eta ostalarien elkarteak. Erribera kalean bertako eta beste auzoetatik etorritako saltokiek karpak eta mahaiak ipiniko dituzte, kalean bere produktuak saltzeko.
Guztira, hamazazpi izango dira azokan parte hartuko duten establezimenduak: Pauma, Ana Arropa denda, Olaizola, Torres Cortes Gourmet, Flysch Aitzi moda, On Gourmet, Sorginak, Oskarbi, Atalaia, Kaïoa, Odriozola, Marisa, Gee woman, Gee man, Ane Arribas, Koketa eta Algorri taberna.
Braderiera gerturatzen diren bezeroen artean 300 euro zozkatuko dituzte erosketa bonoetan. 12:00etatik 14:00etara bitarte, gainera, trikitilariek girotuko dute azoka.
Gertuk jakinarazi du COVID-19aren hedapena saihesteko segurtasun neurriak bermatuko dituela ekintzan.