Nikol tabernan lan egindakoa, aski ezaguna zen herrian Pello Etxabe. 76 urterekin hil da Donostian, eta hainbat zumaiarrek gogora ekarri dute sare sozialetan. Jon Maiak ondorengo bertsoa eman du argitara:
Nikoleko txokoan,
babeslekua maiz,
Zumaiako gazteen
konplize nekagaitz
bigotian azpiko
hire parre alaiz
esku pintza pirata
rebeldia ekaitz!
Zumaiako leienda
itsasoaren haitz!
Ez adiorik Pello
haundiya izan haiz!!!1994ko ekainean gure lehenbiziko elkarrizketatua @baleike aldizkarian! Beti gazteen alde, eta azkenean bibotearekin joan zaigu mundu honetatik.https://t.co/sdsUvSY8gw pic.twitter.com/YUviYdK80F
— Xabier Azkue Ibarbia (@xabierazkue) July 18, 2021
Bigarren txioan ikus daitekeen bezala, BALEIKEren lehen zenbakian protagonista izan zen Etxabe. Berari egindako elkarrizketan irakur daitezke haren hitzak. Bazuen zerbait oso berea: bigotea. Hala esan zuen duela 27 urteko elkarrizketan: "Nik bigotea diat piskat instituzioa bezela. Ez zekiat berakin joango naizen mundu hontatik". Besteak beste, bere ibilerak eta afizioak kontatzen ditu elkarrizketan. Hemen irakur daiteke osorik.