Ekintzaz beteta iritsiko da asteburua Arroa Behera; izan ere, ostirala eta igandea bitarterako Kultur Astea antolatu dute. Ostiralean hasik dira ekitaldiak eguerdiko mezarekin. Ondoren, trikitilarien emanaldia izango da. 17:30ean, Niala magoaren emanaldia izango da, eta segidan, belaunadiarteko parkearen inaugurazioa egingo dute. Ondoren, 20:30ean, Tion Teronen Semeak taldearen emanaldiaz gozatu ahal izango dute auzotarrek.
Zapatuan, berriz, haurrentzako eta gaztetxoentzako puzgarriak izango dira Arroa Behean, 11:00etatik aurrera. 16:00etan haurren pala txapelketa jokatuko dute, eta 18:30ean, helduena. 22:00etan, berriz, Trikidantzen kontzertua izango da.
Igande eguerdian ere meza izango da, eta ondoren, Funbox Factory Freestyle Show Teamek bizikleta ikuskizuna eskainiko du. 17:00etan, berriz, bingoa egingo dute. Ondoren, Iñaki Perurenak ikuskizuna eskainiko du, eta asteburua agurtzeko, 22:00etatik aurrera, Dudik-p musika taldearen kontzertuaz gozatzeko aukera izango da.