Atzo, uztailaren 9an, jokatu zuten Euskal Herriko Herriarteko Txapelketako joaneko finala. Zumaiako Aitzuri pilotalekuan izan ziren partidak 18:00etan hasita, eta Zumaiak eta Markina-Xemeinek neurtu zituzten indarrak. Ohi bezala, kadeteak, jubenilak nahiz nagusiak aritu ziren.
Jokatutako hiru partidetatik bat irabazi zuten zumaiarrek, hain zuzen, kadeteen mailan: 30 - 9 nagusitu ziren Agirre eta Watkins. Odriozola eta Egaña jubenilek 14 - 30 galdu zuten, eta emaitza berdin-berdina lortu zuten Agirre eta Uranga nagusiek.
Bueltako finala uztailaren 23an izango da, Markina-Xemeinen.