Lau tandatan jokatzen ari dira KAE1 liga, eta oraintsu amaitu da gaurko jardunaldia, 17:30ean Donibane Lohizunen (Lapurdi) hasi dena. San Juan izan da bizkorren gaur, 20:18,12 denbora eginda, eta bigarren egin dute getariarrek, 20:22,40 denborarekin.
Telmo Deuneko mutilek gogor borrokatu dute estropada, eta Kaiku eta Orio Bren artean sailkatu da, zortzigarren, 20:47,44 denbora eginda. Hamar segundo baino gehiago atera dizkio, esaterako, Orio B taldeari.
Sailkapen orokorrean ere zortzigarren dira zumaiarrak 26 punturekin. Lider, berriz, San Pedro dago, 46 punturekin.
Gari Goiko klubeko ordezkariak positiboki baloratu du etxekoen lana: "Estropada ona egin dute mutilek, lau tanda egoteak liga desitxuratzen duelako. Ikusi da, baita ere, liga oso berdinduta dagoela, estropada bakoitza traineru desberdina ari delako irabazten. Guk borrokan jarraituko dugu".
Bihar Sestaon jokatuko dute KAE1 ligako estropada, 11:30ean hasita.
SAILKAPEN OROKORRA
| 1. | SAN PEDRO | 46 |
|---|---|---|
| 2. | GETARIA | 42 |
| 3. | SAN JUAN- ORERETA BERRIKUNTZAK | 41 |
| 4. | KAIKU BEREZ GALANTA | 41 |
| 5. | SDR PEDREÑA | 38 |
| 6. | DEUSTO-BILBAO | 36 |
| 7. | ARKOTE URIBE KOSTA | 33 |
| 8. | DELTECO-ZUMAIA | 26 |
| 9. | ORIO-ORIALKI | 17 |
| 10. | CAMARGO cueva el Pendo | 15 |
| 11. | ASTILLERO | 12 |
| 12. | CASTRO PRODUCHA | 12 |
| 13. | LAPURDI-Antton Bilbao | 5 |