Zozkatu du Baleikek EHZ jaialdirako sarrera

Uztailaren 2tik 4ra egingo da aurtengo Euskal Herria Zuzenean festibala, eta jaialdirako sarrera bat zozkatu du Baleikek bere bazkideen artean.

Euskal Herria Zuzenean festibalak 25 urte egingo ditu aurten, eta iazko etenaldiaren ondoren, uztailaren 2tik 4ra egingo dute Irisarrin (Nafarroa Beherea). Musika jaialdian parte hartuko duten lehen taldeen izenak eman dituzte antolatzaileek: Zea Mays, Tiktara, Proleter, Rukula, Rüdiger, Physis VS Nomos, Chill Mafia, Ruper Ordorika, Potato, Kuartz, Torheit eta Andoni Ollokiegi izango dira oholtza gainean. Baleikek sarrera bat zozkatu du bazkideen artean.

Asko izan dira zozketan parte hartu duten bazkideak, eta Xabier Larburu izan da sarrera irabazi duen bazkidea. Irabazleak, sarrera tokian bertan jaso ahal izango du, izen-abizenak emanda.