Lekeitioko gizonezkoen 42. eta emakumezkoen 10. banderen estropadak jokatu dituzte gaur goiz-eguerdi partean hainbat euskal traineruk, asko eta asko goiko mailetan lehiatzen direnak, denboraldi berrirako test moduan baliatuta. Urola Kostatik bost ontzi aurkeztu dira hitzordura, eta denetariko emaitzak izan dira batzuentzat zein besteentzat.
Orioko emakumezkoek zapore gozoarekin bukatu dute gaurko jardunaldia, aurreko bi urteetako dinamikarekin jarraitzen dutelako, beraien arraunketa serioa eta dotorearekin. Gaur, Donostiarra eta Hondarribia baino gehiago izan dira, 9 eta 13 segundoko aldea atera diete, eta bandera irabazi dute. Zumaiako neskak ere fin aritu dira, eta lan txukun baten ondoren, seigarren postuan sailkatu dira, Donostia Arraun Lagunaken atzetik.
Emakumezkoen sailkapena
1. Orio AE 11:38,50
2. Donostiarra 11:47,95
3. Hondarribia 11:52,03
4. Tolosaldea 11:57,67
5. Donostia Arraun Lagunak 12:05,65
6. Zumaia 12:13,19
7. Ondarroa 12:23,75
8. San Juan 12:24,97
9. Hibaika 12:31,86
10. Deusto 12:35,12
11. Lekittarra 12:56,57