Zumaiako, Zarauzko eta Orioko bertso-eskolek topaketa izan zuten atzo

Zarauzko Zinema pilotalekuan elkartu ziren atzo arratsaldean Zarauzko, Zumaiako eta Orioko bertso-eskoletan diharduten hainbat gaztetxo. Elkarren jardunaren berri izateaz gain, hainbat ariketa eta jolas egin zituzten batera, eta amaieran, bertso saio txiki batez gozatzeko aukera izan zuten.