Alondegia, Zumaia
Darahli elkarteak antolatuta, Sahararen aldeko lankidetza astea egingo dute apirilaren 23tik maiatzaren 2ra bitartean. Horri lotuta emango dute Paula Iglesias eta Ana Serna zine zuzendarien Solo son peces dokumental laburra. Goya sarietarako hautagaia izan da aurten, dokumental labur onenaren kategorian. Argeliako arrain-haztegi batean lan egiten duten hiru emakume ditu protagonista ikus-entzunezkoak.